Hmarchhakah hel chetna vawi 187 thleng


Union home ministry chuan kumin kum tir atanga November 15 thleng khan India hmarchhakah hel chetna vawi 187 a thlen thu a sawi.
Parliament thlasik thutkhawm neih meka Lok Sabha rorelnaah Thawhlehni khan ministry chuan a sawi a. Heng helho chenaah hian civil mi 20 vel leh venhim hna thawktu mi pariat an thi a, hel pawla mi 39 an thi bawk tih a sawi.
Hmarchhakah hian kum 10 liam ta chhungin hel chetna hi a tlahniam hle tawh a; mahse, thla hmasa tir maiah khan Revolutionary People’s Front (RPF) chuan Myanmar nena inrina bul, Manipur-a Churachandpur-ah Assam Rifles convoy an bei a. Hetah hian Colonel Viplav Tripathi, a nupui Anuja leh an fapa, Abeer an thi a. Riflemen NK Nayak, Suman Swargiary, RP Meena leh Shyamal Das te an thi bawk a. He beihna hi Manipur PLA hnuaia hel pawlin an tih a nih thu an sawi bawk.
Hel pawlin an lambun chhan hi Colonel Tripathi-a unit-in helai vela ruihhlo tawlhruk an man thin phuba lakna nia hriat a ni a. China pawh he beihna phenah hian a inrawlh nia sawi a ni bawk.
Meghalaya-ah pawh tual chhunga hel pawlte chetna a thleng leh deuh va. August thla tir lam khan Hynniewtrep National Liberation Council (HNLC) chuan bomb tenau tipuakin mi pahnihin hliam an tuar a. Shillong khawpuia bazar lun laiah IED hmanga tihpuah a ni bawk.

Leave a Reply

Your email address will not be published. Required fields are marked *

error: Content is protected !!