Lok Sabha MP C Lalrosanga’n nimin khan Union Home Minister Amit Shah hmuin, Aizawl atanga Zokhawsanga Assam Rifles sawn chhuah chungchangah hma thar la turin a ngen.
C Lalrosanga chuan Aizawl atanga Assam Rifles sawn chhuahna tur hmunhmate buatsaih a nih tawh thu leh Aizawl khawpui tihthawl nan an insawn chhuah a tul thu union home minister chu hrilhin hma thar la turin a ngen a ni.
Myanmar raltlante chhawmdawl chungchang pawh C Lalrosanga chuan union home minister chu sawipuiin, sorkar laipui tanpuina a ngen a. COVID-19 do leh hri kaite enkawlna lama tanpuina Mizoramin a mamawh belh thu pawh hrilhin, Mizoram tana central armed police force batallion din turin a ngen bawk.