ZPM thalaiin Tripura-a awm Bru zinga Mizorama vote la nei te chu an awmna nghet Tripura-a an vote transfer tura ngenna Election commission of India-ah an thehlut.
Tripura-a awm Bru zinga Mizorama vote la nei te Tripura-a an vote transfer tura ngenna hi nimin khan ZPM thalai Sr. vice president Dr C Lalrammawia leh hruaitu dang ten nimin khan ECI-ah an thlen a. Chief electoral officer, Mizoram hnenah a copy an pe bawk.
ZPM thalai Sr. vice president chuan “Inthlan dawn apiangin Bru vote kan induhlohsiaka, saorkarna siam tawh party-te zîngah, a taka Bru vote transfer tura hma la ngam an awm si loh avangin ZPM thalai kan che chhuak ta a ni”, a ti a, Tripura-a awm Bru hnam zîngah, Mizorama haw duhte chu an rawn haw mai thu leh Mizorama awm duhlote vote Mizorama a la awm reng chu dik lo an tih thu a sawi bawk a ni.