Cricket Association of Mizoram hnuaia Women’s One Day Trophy league round hnihna chu Inrinni khan khelh zawh a ni a. Ainawn Team in hnehna changin final beiseina an la tinung.
Suaka Cricket Ground-ah Ainawn tan Lalrinfeli Pautu chuan century a siam a, tun tournament-a century siam pahnihna a ni.
Run 274 a team in an tlin phah a. Zamzo tan Lalrotluangpuii chuan run 58 siamin an beihletnaah langsar ber mahse over 44.3-ah run 205 bak an tlin thei lova. Run 69 in Ainawn an chak.
Point li hmu tawh Dingdi in net run rate an neih that tawh avangin final a an hmun an tichiang teuh tawh. Point hnih ve ve hmu lai Derhken leh Ainawn ten final beiseina an la nei a, point la hmu lo Zamzo tan beisei tur a awm tawh lo.
Vawiinah Zamzo leh Dingdi an inkhel anga, naktukah Derhken leh Ainawn inkhelin league round an khar ang a, a sang pahnihin final an khel ang.
Women One Day Trophy 2021
Team Ainawn vs Team Zamzo
Suaka Cricket Ground, Sihhmui, Aizawl, | 50 Ov. | December 4, 2021
Toss: Zamzo in vawm an thlang
AINAWN 274/7 (50.0 Ov)
Lalrinfeli Pautu 106(118)
Thelma 55(47)
PC Vansangzuali 4/35 (7)
Lalnoi 1/41 (10)
Monica 1/49 (9)
ZAMZO 205/10 (44.3 Ov)
Lalrotluangpuii 58(97)
C. Lalmuanpuii 23(25)
Angaihi Ralte 23(32)
Dindini Hauzel 3/23 (8.3)
Lalhriatpuii 2/31 (10)
Thelma 2/28 (7)
Ainawn run 69 in an chak
Player of the match : Lalrinfeli Pautu (Ainawn)