- H.Lalthazuala
Aizawl West III
December ni 3 (Zirtawpni) Vanglaini chanchinbu chhuakah ‘Kawng chhawng siam dan tur CM in Union Minister a sawipui’ tih headline ah hmangin an rawn ti chhuak a. Kawng chhawng siam chung chungchanga Pu Zoramthanga hmalak tawhna tawite kan sawi lang ve ang e.
MNF sawrkar hmasak khan tuna CM Pu Zoramthanga hian kawng chhawng siam hi a vei em em a (tunah pawh a la vei ber). Mutmawh hnarmawh berah a nei ti ila kan sawi sual awm love. Chief Minister a nih hmasak khan Sabinga lung (Upper Khatla) leh Assam Riflle inkar meter zahnih vela sei chu kawng chhawng dawh turin estimate pawh awm vek tawh, a dawhtu tur Company pawh thlan fel vek, Central Minister leh amah ngeiin lungphum pawh an phum thawh theih mai, in paltlang tur tlemte awm, a paltlang turte in neitu mi tlemtein an phal loh avangin kum sawm a sawrkar chhung khan ban pakhat pawh phun lovin hma a la chhunzawm ngam lova. Tunah pawh Central hian Pu Zoramthanga ruahman ang zah zah pawisa pawh lo pein, a thawktu tur pawh awmse kawng chhawng hahipa a sawi mawi hi a siam a rinawm loh. Khatla hmun meter zahnih tawite pawh dawh ngam lo leh dawh thei lo hian engti kawng zawng mahin, a dam chhungin CM pawh nise a dawh lo vang. Meter zahnih leka sei pawh dawh ngam lo leh hma pawh la ngam lo hian Bawngkawn a\anga Kulikawn inkar kawng hi chu engtin nge a dawh theih tehlul ang?