Indian Military Academy (IMA), Dehradun-a tukin dar 8-a passing out parade-ah Mizo tlangval pahnih – Lalrinawma Sailo S/o Saihmingliana Sailo, Chanmari, Aizawl leh Malsawmzuala S/o K Lalthawmmawia, Durtlang Venglai te an tel.
IMA atanga sipai officer ni tura inzirchhuakte passing out parade hi India President Ram Nath Kovind-a’n a hmanpui a. Sipai officer thar chhung te bakah mipawimawh dang engemawzat an tel bawk.
Lalrinawma Sailo leh Malsawmzuala te hi naupan lai atanga inkawma sikul pawh kal chho ho zel an ni a. Kum 2017-a National defence academy (NDA) Pune-a lut tura an inziahtlin tumin Lalrinawma Sailo hi all Indian merit list-ah 27-na ni phakin, Malsawmzuala pawh 84-na a ni phak bawk. NDA a kum thum an zir chhungin dinhmun pawimawh tak tak divisional cadet captain leh battalion cadet adjutant te chelh pha khawpin an thawkrim a ni.
NDA-a tha taka an inzirchhuah hnuah Army officer ni tura inzirna hmunpui IMA, Dehradun-ah hian kum khat chhung an awm a, Indian Army commissioned officer, Lieutenant niin IMA chu an rawn chhuahsan thei ta ni.