Bollywood star Kareena Kapoor Khan, Amrita Arora, Seema Khan leh Maheep Kapoor te chu Mumbai-a film siamtu lar Karan Johar chenna In-a dinner party an neih hnu rei vak lovah Covid-19 an kai tih hmuhchhuah a ni.
Tunah hian an sample hi Kasturba Hospital-ah thawn a ni tawh a, ni 4-5 chhungin result kimchang hriat theih beisei niin, omicron a nih ring an tam.
Film lar tak, ‘Kabhi Khushi Kabhie Gham’ in kum 20 a tlin lawmnaah hian filmstar lar dang thahnem takte pawh an fuankhawm a, vanneih thlak takin a tam zawk chu an him hlauh.
Boruak rih lai taka heti anga huau huau huai hawt a ni hi social media lamah a tla fuh lo hle a, bul tumtu Karan Johar phei chu an chhuah chhe hle.