- Upa Lalthara, IAS (Rtd), Kohima
Selhranga hla: “A lo thang Chhandamtu pian thu” (No 98)
- Selhranga hla hi kan hlabu hman laiah hian 2 a awm a. “Ni ropui tak lo thleng tur chu” (KHB No. 237) hi Sap hla atanga a lehlin a ni a; “A lo thang Chhandamtu pian thu (KHB No. 98) hi chu ama irawm chhuak a ni thung. Heng hla pahnihte hi an sak a nuamin, belh chian dawl tak an ni.
- “A lo thang Chhandamtu pian thu” ti hla hi chu kan tleirawl chhuah tirh (1960-1970’s) vel lai khan kan sa nasa ve hle thin a; tun hnu hian sak a hlawh ta vak lo emaw ni, kan Biak Inah pawh kan sak ka hre ngai ta meuh lova. Hman ni (December ni 12, 2021- Pathianni) khan kan tih dan pangngaiin Kohima KTP hla ka zirtir a. Kristmas boruaka kan chen tawh avangin Kristian Hlabu-a Kristmas hla an la sak ngai loh zirtir ka duh avangin he hle hi ka thlang a.
- He hla kan han zir a, kan han sak takah chuan ka hriatna thazam hlui a chawk thova, zirtirtu ber chuan ka sa sual ta fo mai a. Tihdanglam eng emaw zat awmin ka hre ta tlat mai a. Zan lamah chuan ka hlabu hlui neihte kan en kual a, a lo awm ngei hlawm a. A chang khatna hi:
“A lo thang Chhandamtu pian thu,
Bethlehem dai bawng in tlawmah;
Keini sual bawiha tang hnute,
Min chhan chhuak turin a lo piang”.. ti-a kan sak thin kha a ni a. Mahse, a thlar hnuhnung ber hi “Min chhan chhuak turin a lo ni” tiin dah a lo ni ta tlat mai a. A chang pumpui kalhmang han en pawh hian, “Min chhan chhuak turin a lo piang” tih hi fuh zawkin, a dik zawk pawh a nih ngei a rinawm. A phuahtu hian a tlar hmasa pahnihte khi hlawm khatin a thuikhawm a; a tlar 3-na leh 4-na te khi hlawm khatin a thuikhawm leh a ni a. Hetianga thlir hian “Keini sual bawiha tang hnute, Min chhan chhuak turin a lo piang” tih hi a dik tluangtlam a. Tena an rawn tihdanglam dan “Min chhan chhuak turin a lo ni” tih hi chuan a tlar 1-na daih khi a han thlunzawm niin a ngaih theih a. Chuti pawh ni se, “Chhandamtu pian thu thang” ringawt chu “min chhan chhuak turin a lo ni” ti-a tlipzui chu a dik chiah lovang;” Min chhan chhuahna tur thu (thang) a ni” ti-a kan tlip duh chuan tawngkam dik a ni thei chauh ang. - A thunawn tlar tawp ber hma chiah hi “Kan tana nausen duhawm lo piang chu” ti-a kan sak thin a ni a. Hei hi “Kan tana nausen tlawm taka lo piang” ti-a dah a lo ni ta bawk. A thu kalhmang leh a sak nawm thu-ah chuan an intluk viauin a lang.
- Tuna kan hlabu hman laia a chang 5-na hi, tunhma chuan a chang 4-na a ni thin a; a hla thu pawh hetiang hian a ni:
“Hmanah leiah lo tlawm mah se,
Tn lohvin an puang”
Tn lohvin an puang” tih khi a rhyme a fuhin, a sak a nuam zawk fe-in a hriat. A reng reng thu-ah van mipui tamzia sawi nan hian chuan ‘sang tam tak’ tih ai chuan ‘chhiar sen loh’ tih hi kan hman dan tlanglawn zawk pawh a ni. Thupuan 7:9-ah pawh “mipui tam tak tuma chhiar sen loh” tiin Johana chuan a ziak a. Mizo hla phuatu lar tak R L Kamlala pawhin “Van mipui chhiar sen loh ten fak hla an rawn sa, An aw mawi thangkhawk vel chu berampu’n an hria” a lo ti ve bawk a. - Tin, tena kan hlabu hman laia chang 4-na-a an rawn dah hi tun hma-a kan sak thinah chuan a awm lo. He chang 4-na rawn sengluh thar ni-a lang hi:
“A lo pianna bawng in tlawm chheng,
A thihna thing anchhe dawng chung;
A tan nun nawm ni awm lovin,
Kalvari tlangah an tuartir” tih a ni a. - He chang 4-na an rawn dah thar hi, Selhranga kutchhuak a chang dangte nen han khaikhin hian, midangin an lo phuah belh ve mai a ang khawp mai. Bung 37-na-a kan sawilan tawh, Rev P D S>na hla: “Lalpa khawvel mi thim zingah” (KHB No. 345) tih-a chang 4-na (a Sap hla leh, PD Sena hla lehlinah pawh awm lo) an rawn dah belh ringawt nen khan hei hi a in ang ta khawp mai. Khatah khan, an hla chang rawn dah belh a fuh lohzia pawh kan sawi tawh bawk a. Heta a chang 4-na an rawn dah thar pawh hi a fuh lo khawpin ka hria.
- A hmasa berin, “A pianna bawng in tlawm chhngbet/ an thi” tia kan sawi thin hi a dik chiah lova; kraws kha tundin a nih thin avangin, ‘kraws chungah’ ni lovin ‘krawsah’ an khengbet/ an thi, ti-a sawi hi a lo dik zawk thute, Sap tawnga ‘on the cross’ tih ‘kraws chungah’ ti-a lehlin hi a dik loh dan pawh chipchiar deuhin kan sawi tawh kha).
- Tin, a tlar 3-na “A tan nun nawm ni awm lovin” tih phei hi chu a fuh lo khawpin a lang. Lal Isua khan khawvela rawng a bawl lai khan a Pa duh zawng tiin amah tirtu a Pa kha a tilawm thin a. A Pa nen pumkhat an nih avangin, a Pa lawm zawng tih kha a lawmna a ni bawk. Amah ngeiin “Mi tirtu duh zawng tih leh a hna thawh zawh hi ka chaw a ni” a ti mai a nih kha.
- Vantlang hmaa rawng a bawl tan hma kum 30 vel chhung mistiri (carpenter) hna thawk dunin, Temple-ah pawh Pathian thu zir leh ngaithla-in a hun tam tak a hmang thin tih kan hria. Heng a thiltihte hi phl vantlang hmaa rawng a bawl chng a tihdamsak a, chaw ei tur awm lohna hmunah sangha leh chhang tipungin mipui sang tam tak a hrai puar a. Heng a hun hman dan leh rawngbawl dan khaikhawmna ni awm taka “A tan nun nawm ni awm lovin” han tih mai hi chu, thlir dan dik leh tha ber a ni thei dawn em ni aw.
- Tin, he hla chang 4-na an rawn dah thar hi han en chian hian, a tlar 1-na tih loh khi chu Lal Isua tuarna lam hawi vek a nia. Mizote hian Lal Isua pianna lam hawi hla leh, Lal Isua tuarna lam hawi hla hi kan ngah khawp mai a. Kan Mizo hla phuahtute hian ‘Kristmas hla’ kan tih ang chi-ah hi chuan, Lal Isua tuarna leh kalvari tlang lam hi chu a hrm lo ni pawhin a lang. Heng atang ringawt pawh hian, hemi chang hi chu Selhranga kutchhuak a nih a rinawm lo khawp mai.
- A tlip nan han sawi ka duh chu hei hi a ni: A chunga ‘tng ka hlabu rawnahte pawh hian an chhut dan a lo ni vek tho mai:
1) Kristian Hla Bu ( Printed at Synod Press, 1983)
2) Fakna Hla Bu III-NA (by Synod Publication Board, 1991)
3) Kristian Lenkhawm Hla Bu (by Presbyterian Church of Myanmar-1994) - Heng kan sawi lan tak atanga thlir hian a hma-a tum hnih ngawt Synod-in an lo chhut tawh dan leh, Presbyterian Church of Myanmar-in an lo chhut dan, inthuhmun vek bawk khi, a dik berin a rinawm a, hetianga dah leh ngei ni se a tha ang.