Miring dikna chanvo humhalhtu pawl pakhat tarlan danin, tunhnai khan K-pop hla ngaihthlak vangin North Korea-ah mi pasarih tihhlum an ni.
Seoul khawpuia inkhuar Transitional Justice Working Group (TWIG) chuan 2015 atang khan North Korea atanga tlanchhia mi 683 te mumal takin a kawm tawh a, sorkar hriatpuina thlapin mipui hmuha tihhlum hi a hluar chho zel.
Khuahkhirhna nasa tak kalpuina ramah hian K-pop video leh music en a, semchhuaktu nia hriat mi pasarih te tihhlum an nih thu hi The New York Times pawhin a ziak lang ve bawk.
Indo puang!
North Korean hruaitu Kim Jong-un hian kumin kumtir lam khan K-pop hi cancer natna ang maia hlauhawm tak a nih thu uar takin a lo sawi tawh a, South Korean movies, K-dramas leh K-pop video te hmanga nasa taka beih an ni zel avangin culture war thar awm mekah indo a puang a ni.