Khua leh tui tha ni turin lo inbuatsaih lawk thiam ang u

Kum bul kan han tan chauh a, hri lengin reh a hnekin zual lam a pan chho leh mai niin a lang a, khaw tam tak an inkhuahkhirhin, an inkharkhip chho leh tan a, hun pui kan hmanna lamin nghawng duhawm lo min thlen chhunzawm mai ang tih a hlauhawm hle.
Nimin a Health Minister hova CYMA hruaitute thukhawm pawhin VLTF/LLTF din thar leh tul an tih thu an sawi a, YMA leh tlaw- mngai pawl dangte thawhho zel dan tur pawh an sawiho bawk a ni.
Kan hun hman liam takah khan Task Force ho pawimawhzia leh khawtlang an enkawl dan hrang hrang kan hria a, an hahzia leh an inpekna zawng zawng kha tun kan thlen theihna pakhat hi a ni bawk awm e. Kan boruak a duhawm lo leh tan chho deuh nia a lan takah phei hi chuan an pawimawh leh hle dawn mai a, tuainun thar a, hma thar lakpui leh thiam pawh sorkar tan a tul hle ang.
Kalphung fuh lo leh her rem ngai tam tak a awm ngeiin a rinawm a, sorkar pawhin a zirchiang thawkhat turah ngai ve tawh bawk ila, tha tharin, kan ram leh khawtlang him nan theihtawpa task force lam kan tuaihnum leh pawh a tul hle dawn a ni.
Hri leng hian eng chen nge min chenchilh ang a, kumin chhoah hian eng anga na in nge min nuai dawn hriat ni lo mah se, tun atanga kan lo inbuatsaih lawk nasat zual a ngai hle dawn a, khua leh tui tha ni turin mipui lam pawh kan lo inbuatsaih leh zual sauh sauh pawh a tul awm e.
Kum tha leh duhawm kan hman chhoh ve theih tawh nan kan chunga roreltute thu thua awm dan zir ila, roreltute pawhin tha tak zelin han rel zel mawlh teh se.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427