MYC chairman-in tuizem sem chhunzawm


Mizoram Youth Commission (MYC) Chairman Dr. Vanlaltanpuia, MLA chuan a bial chhunga tui dahkhawlna tuizem nei tha lote hnenah a thawh thum nan tuizem a sem.
Lunglei North bialtu MLA hian Zohnuai, Serkawn, Zotlang leh Pukpuiah tuizem 20 theuh, a vaiin tuizem 80 a sem chhunzawm leh a, tuizem pakhat hi litre 1,000 zel dawng a ni.
Dr Vanlaltanpuia hian a bial chhunga Block 2 leh Block 3-ah tuizem hi a lo sem tawh a, tuna a sem nen hian a bial chhungah a MLA Fund atanga a lei tuizem hi 300 chuang a sem chhuak tawh a ni.
Nimina tuizem sem chhuahna inkhawm an neihah an party-in sorkarna an chan chiah khan kawng a lo chhe nasa em em a, lei a chim nasa bawk si a, chungte chuan an pawisa neihte a ei nasa em em tih a sawi a. Hri a rawn leng zui bawk nen, an chawchhumna bela an thlak kep miah loh eipuitu an lo tam tak em em avangin thil tihah harsat phah tih a sawi.
Hengte avang hian SEDP pawh mi mal hnen thleng tur zawngin an kalpui thei meuh lo tih a sawi a, kuminah erawh boruak a ziaawm chho zel a nih chuan mi harsate fairelbel khawih phak turin an manifesto pui ber, SEDP chu an kalpui tan tawh dawn tih a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427