Mizoram junior basketball team chuan 71st Junior National Basketball Championships ah hnehna nena bul an tan hnuah Nilaini khan hnehna an chang nawn a. Puducherry chu 88-38 in an sawp.
Indore a khelh mek India ram pum huap junior inelna lianah hian Mizoram in an match hnihna hi a tir atang a tawp thleng an thunun a. An khingpuite nen an inthlau tluan.
Quarter hmasa pahnihah Puducherry in theihtawp chhuah mahse team inthlauhna a lang a, halftime-ah Mizoram hi point riat in an sang. Second half-ah erawh Mizoram in an khingpuite an tlansan a. Quarter hnuhnung berah phei chuan Puducherry in point hnih chauh an score laiin Mizoram in 31 an score.
Group E a awm Mizoram hian vawiinah an match hnuhnung ber Bihar nen an khel leh ang.
Mizoram team hi MOTUL (Leo Enterprise, Tuikhuahtlang), Fenesta (Eldorado Agency, Bawngkawn Sairang Road), Samoo Dawrpui, Mount Carmel School, Chaltlang, St. Joseph Hr. Secondary School, Ramhlun North, Mualhawih Picnic Spot, Khatla TBL Basketball Club, Champhai District Basketball leh Mizoram State Sports Council ten an sponsor a ni.