‘Nevermind’ album hmingthang tak cover-a naupang saruak anga lang Spencer Elden-a’n Nirvana laka thubuai a siam chu Ca-lifornia judge-in a hnawl ta.
Nikum khan Elden hian band lakah thubuai siamin, album cover-a a lan dan kha sex lam hawia intihchhiatna leh naupang kumtling lo laka sexual abuse dik tak a ni, tiin a khing.
Kum 30 mi ni tawh hian kha thlalak vang khan rilru leh taksa lam thlengin a nghawng tha lo tak a tuar a, hlim taka nun a hmanna turah harsatna namen lo a thlen bawk niin, a sawi.
Thla hmasa khan Nirvana band chuan thu tling lova an ngaih thu mumal takin court-ah an thlen a, Elden-a thusawi hi chhuanlam tling a ni lo, tiin \an an khawh.
Hetih lai hian, amah hrechiangtu te chuan Eldin hian ‘Nirvana baby’ tiin a inchhuang thin hle a, a induh phah hle thin niin an sawi ve thung.
Nirvana lamin an chhanletna hi December 30, 2021 khan hmachhawn tura court-in a hriattir laiin, Elden te hi an inlan loh thung a ni.
Hei vang hian Judge Fernando M Olguin chuan thubuai hi hlin tlâk lovah a puang a, January 13 thleng awmze nei zawka kalpui tura hriattirin, hun tiam a zawh hmâa hmalakna awmze nei a awm loh chuan thubuai hi a tawp fel nghal tura ngaih a ni.