Ministry of rural development hnuaia land resources deptt. Joint secretary Umakant-a’n Pradhan mantri krishi sinchayee yojana (PMKSY) version 2.0 atana sum hman tur tun thla chhunga release an tum thu Mizoram rural development minister Lalruatkima a hrilh.
Sorkar laipui dawra kal RD minister Lalruatkima chuan Ministry of rural development hnuaia land resources deptt. Joint secretary Umakant chu a pisa-ah hmuin, PMKSY version thar 2.0, RD department, Mizoramin DPR a thehluh tawh chungchang a sawipui a. DPR siam tawh atanga ministry-in allocation a siam Hactare 45841 (Rs. nuai 12,835.48) atana hmalakna tur tipung tura a ngenna pawh joint secretary chuan a tul anga hma a lo lak tur thu RD minister chu a lo hrilh a ni.
RD minister chuan Director, department of land resources, ministry of rural development Rajesh Kumar Singh pawh hmuin, Mizoram mamawh leh hmachhawp engemawzat a thlen a. Joint secretary (Rurban) Dr. Biswajit Benerjee pawh hmuin, Mizorama Rural development block hrang hranga Rurban cluster siam belh chungchang December, 2021 tir lama a sawipui tawh, lo enzui a tiam chungchangah chak zawka hma laksak turin a ngen.
Dr. Biswajit Benerjee chuan Rurban cluster siam belh tura hmalak mek a nih thu RD minister chu lo hrilhin, Mizoram mai ni lo India ram pum uluk zawka ennawn a nih bakah mamawhna a zira pek tur a nih avangin fimkhur taka hmalak a nih thu sawiin, Mizoramah pawh minister ngenna chu tihhlawhtlinsak ngei a nih a beisei thu a sawi bawk.