Hrileng hluar chho mek karah film siamtu hriathlawh Kabir Khan-a drama ’83’ chuan cheng vaibelchhe 100 a lalut ta a, tlangzarh atanga ni 17 hnu-ah record duhawm a siam.
Nikum hmasa atang tawh khan hrileng vangin tualchhung box office lamah record ropui siam hleih theih a ni tawh lova, cinema hall khar thin a nih avangin film siamtute leh changtute eizawnna kawngah a manganthlak thin hle.
Ranveer Singh channa, ’83’ film hi Hindi mai ni lo- Tamil, Telugu, Kannada leh Malayalam tawngte in December 24 khan tlangzarh a ni a, hlut a hlawh hle.
He film hi Kapil Dev-a captain-na hnuaia India-in ropui taka a vawikhatna ni tura 1983 kuma World cup trophy an lak dan behchhana siam niin, khami tum khan Cricket world cup final-ah India-in West Indies hnehin an champion a ni.