Aerosmith guitarist Joe Perry (71) chuan Wine thami ang maia rei an daihna chhan leh an tak tulh tulhna chhan a sawichhuak.
“Kan play ho dan atang hian a hriat theih mai ka ring. Brad-a play dan ka en a, ka ngaithla a, chutiang bawkin ka guitar play a en a, ngun takin a ngaithla thin.
“Kan inpawh tlang em em a, guitar hman tur nen lam kan inhnawn. Tu in nge Strat play ang a, tu in nge Les Paul chang zawk ang, tih te in kan inhnawn thin a, induhsakna boruak khan band a kaihruai tha hle.
“Hla thar leh riff thar te kan ngaihtuah chhuak a, kil hrang hrang atangin rilru zau takin kan thlir hova, kan sawi hova, tichuan inlungrualna tlangah kan chuangkai mai thin.
“Lead player pahnih awm hi band tam tak chuan an tlin lo thin na a, keini ah chuan an awm ngei hi tha ka ti a, fans te hnena flavour chihnih hlui hi ka duh ber a, thil pawimawh tak niin ka hre bawk,” a ti.
Aerosmith band hi 1970 khan Boston khawpuiah din a ni a. Tun thleng hian an hla leh music-in lawm hlawh hle.