Covid-19 leng mah se taxation department-in kum 2021-22 chhunga chhiah hmuh tura an ruahman an khum theih an inbeisei a, December thleng khan chhiah chi hrang hrang a\angin Rs. Vbc 611 chuang an hmu tawh.
The Zozam Times zawhna chhangin Taxation Commissioner Kailiana Ralte chuan sorkar kum 2021-22 chhunga department-in chhiah an hmuh tura ruahmanna hmasa chu Rs. Vbc 650 a nih thu leh, nikum kum tawp khan Rs. nuai 67 a tihsansakin, kum 2021-22 chhunga an target chu Rs. Vbc 717 a ni ta tih a sawi a, sorkarin chhiah an hmuh zat tura an bituksak hi khum ngei an inbeisei a, theihtawp an chhuah zel tih a sawi.
Kailiana Ralte chuan chhiah an khawn kawngah hri lengin nghawng nei deuh mah se, chhiah an hmu \ha thawkhat tih a sawi a, “2020-21 chhung pawh khan hri a leng tawh a, sorkar kum tir lamah chhiah lut a tlem a, kawng hrang hrangin thawktuten \an kan la a, tun sorkar kum kal mekah pawh hian chhiah kan hmuh tlem loh nan thawktute theihtawp an chhuah a, chumi rah chu kan seng zel a, hri leng vangin kan tlahniam duai lo a ni,” a ti.
Taxation commissioner sawi danin sorkar kum kal mek, 2021-22, April leh December, 2021, thla kua chhungin chhiah hrang hrang a\angin Rs 6,11,78,55,452.65 an hmu tawh a. Taxation department hian chhiah hi hlawm ruk – state GST, other taxes on income & expenditure, tax on sales, trade, taxes on goods and passengers, commodities and servies leh registration & license fee te a\angin an la a, an hmuh tamna ber chu state GST-ah a ni.