Kum 2022 kan tan chhoh mek lai hian BTS chuan record thar a siam leh hman der tawh. Mak i ti viau mai thei. Mahse, BTS an ni miau a, min barakhaih hran lem love.
Member pasarih awmna hi rimawi khawvelin a hre bel tawh a, hmun tin ram tin mai chart-ah record an siam chho zel a, kum 9 vel emaw lek an la tal chung hian ropuina ramah vawi tam an chuangchhuak tawh.
A hnuaia tarlan panga te hi BTS-in kumin 2022 a record thar an siam te chu a ni a, thla chanve em pawh a la ral lo! An pui vet vet hle.
January 6 Japanese tawnga khawrpum ‘BTS, The Best’ album chuan Oricon Japan Chart-ah copy maktaduai khat a kai ta a, K-Pop idol group in million khat a vawikhat kaina a ni. Korean act, BoA-in 2005 kumaah record an lo siam tawh a, 2004 kum khan Queen band-in mel lung an lo phun ve tawh bawk.
January 5 BTS english single hmasa ber, ‘Dynamite’ in Spotify Global Chart-ah a zawnin ni 500 chhungzet a lang ta a, Korean leh Asian act zinga he dinhmun thleng hmasa ber leh awmchhun an ni. Hla hit tak, ‘Dynamite’ hi tunah hian No.71 ah awm mekin, vawi maktaduai 1.1 chuang stream a ni a, chart chanchin-a korean hla stream rei ber a ni.
January 8 Spotiy-ah thlatin BTS hla ngaithla thin mi maktduai 45 an tling ta a, heti ang taka hlut leh ngaih-thlak hlawh hi K-pop idol group leh korean act-ah a la awm ngai lo.
Drama hmuhnawm tak, ‘Our Beloved Summer’ -a BTS member v-a original sountrack, ‘Christmas Tree’ chuan Billboard Digital Sales chart-ah No. 1 a ni chiang hle. Chart chanchina Koren soloist-in debut solo hmanga number one anih vawikhatna a ni a, OST hmanga hot 100-a korean soloist-in debut solo hmanga lang thei hmasa ber ni turin V a dingchhuak bawk.
BTS member SUGA leh Juice WRLD te thawhdunna , ‘Girls Of My Dream’ hla hi Spotify-ah thla tin ngaithlatu maktaduai 11.1 vel an awm thin a, Korean mipa soloist leh Korean act ang pawha Spotify-a thla tina ngaithlak nasat ber a ni.
BTS hi history siamtute an ni ngei a, rimawi khawvelah vawi tam hming an chher bakah an nemnghet nawn sek a ni deuh ber a. Kum 2022 kan kai ve dek dek chauh tihah BTS hian artiste dang te tih theih loh an tithei a, an hmâah thil harsa a awm ta meuh lo.