BTS member Kim Taehyung (V) chu Asian milar zinga Instagram thil post pali, like maktaduai 17 chuang theuh nei thei hmasa ber a ni ta.
Bangtan boys te hian Instagram account an siam hnu khan record an siamchho nghal a, tunkar tir lamah V hian instragram post pali a siam hrang atang-in like maktaduai 17 chuang zet a nei thei.
A thian dangte paruk ang bawkin V hian December 2021 khan Instagram a zawm ve a, kum tam tak milarte’n instagram an bawh ruih ruih hnu daiha inziak lut ve chauh ni si khan football stars Cristiano Ronaldo leh Lionel Messis te bakah zaithiam Billie Eilish te chuahin an la neih theih, post siam pali in like maktaduai 17 chuang an neih theih-na record a \awmpui.
Tun thla hnih chhunga V-a’n social media record a siam awmchhun a ni reng reng lova, Guinness World Record tarlan danin, December 6, 2021 a instagram a luh atanga minute 43 chhung leka follower maktaduai khat nei rang ber record a siam bakah hemi ni vek hian darkar 4 a ral hma in follower maktaduai 10 chuang a nei hman bawk a, heti ang record rang tak hi tuilet hnu ah tuma’n an la siam ngai lo.