THALAI TIMES
Musician hlawh hnem ber BRUCE SPRINGSTEEN
Thla hmasaa a master leh publishing right zawng zawng hralh hnu-a sum tam tham tak hailut Bruce Springsteen chu nikum 2021 a musician hlawh hnem berah puan a ni.
Rollingstone magazine-in musician hlawh hnem ber sawm a thlanchhuah te sum lakluh belkhhawm hi $Billion 2.3 a ni hial a, sawm zinga pakhat chiah hi hmeichhia a ni nghe nghe.
Hripui leng nasa takin rimawi khawvel a tihbuai viau laiin, zaithiam thahnem tak te sum lakluh leh thawhchhuah a kiam hran lem lova, then khat phei chuan tunhma zawng aiin sum an lalut hnem.
Top-10 zingah hian Jay-Z, Kanye West leh Taylor Swift tih loh chu an catalog hralhchhuah vanga sum tam tak hailut te an ni hlawm. West-a hian Yeezy shoe empire a hlawhtlinpui a, Jay Z-a’n champagne lam a chetthatpui hle bawk a, a hla stream tam luat vanga langsar ta hle a ni bawk.
Taylor Swift pawh hi hmei-chhe awmchhun mah ni se, thla 18 chhung vel leka album pali ngawt hlawhtling rem rem taka vawrhchhuak thei kha a ni miau a, Blake Shelton hnen atanga catalog indawrna ($Mtd. 50 vel) te nen sum hailuh lamah a tluang em em mai a ni.
Mak ang takin, Jay Z, Kanye West leh Taylor Swif tih loh midang zawng hi mingo upa lam vek an ni. Chuti ang zelin hman deuha Primary Wave nena $Maka-duai 100 velzeta catalog inleisaknaa langsar zaithiam Stevie Nicks a lang lo hian sawi a hlawh ve tho mai.