Afghanistan khawthlang lama Thawhtannia inhnaih taka vawi hnih lirnghing thleng avangin mi 22 vel an thi tih thuneituten an sawi.
US Geological Society (USGS) chuan hmar thlang lama Badghis province-ah magnitute 4.9 leh 5.3-a nain lir hi nghingin chenna in tam tak a chhia tih an sawi.
An thupuangtu chuan in chimin a delh kara thi zingah naupang pali pawh an tel tih AFP a hrilh.
Chenna hi hi 700 chuang zet a chhia niin a sawi bawk.
Afghanistan-ah hian in sak dan hmang a that tawk loh avangin lirnghing hian thil a tichhe nasa thei hle thin.
USGS-in Thawhtannia lirnghing vawi hnih a chhinchhiah hi province khawpui, Qala-e-Naw atanga km 50 vel chauhva hla a ni.
Lirnghing hmasa zawk hi chawhnu lama thleng niin darkar hnih hnu velah a dangin a sawi leh a. Qadis leh Mugr district a sawi na bik.
Qadis district chief, Mohammad Saleh Purdil chuan lirnghing hian in tam tak sawi chimin hmeichhia leh naupang an thi hlawm niin a sawi.
Thuneitute chuan hmun kilkhawr zawka chhiatna thleng kimchang an hriat hnuah thi zat hi a la danglam leh an ring.
Badghis hi hmarthlang lamah Turkmenistan nen an inri a. Afghanistan-ah pawh a hnufual leh rethei tamna lai ber a ni.
Afghanistan ram hian leiba tam tak neiin mipuiin ni tin mamawh an tlachham nasa hle a, August thlaa Taliban-in an lak hnuah a nasa zual.