Tunhnaia ‘The Ellen Degeneres Show’-ah supermodel hlui Heidi Klum chuan a ke chu $Mak-t-duai 2 chuanga insure ni mah se, hei ai hian a la hlu fe zawk, a ti.
A ke pakhat zawkah hian a naupan laia glass-a a tlak vanga ser lian ve tak a awm thu thlenga sawiin, “A ni khawp mai. Tunah pawh hian ka spray nasat thin vangin hetia en mai chu i hmu fuh lo mai thei. Mahse, $Makatduai 2 chuanga insure hi maw.. dik tak chuan hei ai hian a la hlu fe zawk,” tiin a hlutna a tarlang.
Heti anga taksa insure hi atan chuan thil mak leh danglam tak a nih rualin, thil dangdai tak a nih theih-na chen a awm tih thlengin a pha lo. “Keima’n ka insure a ni lova, kan thawhpui pakhatin min tihsak a ni. Keima tih a ni lo,” tiin a sawi tel bawk.
Heidi Klum (48) hi Geman leh American model niin, TV host, producer leh sumdawng a ni bawk a. 1988 khan Sports Illustrated Swimsuit issue-ah lang tanin, Victoria’s Secrect Angel-a German model lang hmasa ber a ni. Kum 2012 atang khan (2019 tiam lohin) NBC reality show, America’s Got Talent-ah judge a ni.