Hripuiin khawvel a tuam phat atang khan Netflix hian Korean content tuipuitu namen lovin an pung zual sauh tih a hmuhchian hnu-ah 2021 khan kum hmasa aia Korean show entu a let sarih zetin an pun bakah viewer-te’n an hun tam tak an pe phal hle, tih an hmuchhuak bawk.
‘Squid Game’ -in lemchan khawvel a barakhaih chhunzawm a, Netflix show lian ber ni zuiin, ram 97 zetah entu ngah ber a ni a, hit rem rem tak a ni. Hengte avang hian streaming platform lian ber hian 2022 ah pawh Korean content a uar sauh.
A pui chho zel
Tunah hian Korean da-ting reality show, ‘Single’s Inferno’ chu khawvelpum huapa show hit ber sawm list-ah a lang mai bawk a, en nan darkar maktaduai 19 chuang an hmang der tawh.
Korean show te hi Netflix-ah hmun lailum a changpha chiang hle tih a chiang a, Korea ram pawn-ah a lar lehzual.
Kumthar 2022 pawh hi Netflix beiseina a sang chhunzawm zel a, lineup lian ber zingah Korean content bawk hmuh tur a awm leh. Hriat theih chinah title 25 zet tihfel a ni tawh. Genere in-ang lo a ni thluah a; romance, thriller, action leh sci-fi a langsar ang.
Hmaih chi loh
Korea show hit hmasa ber tur chu, ‘All of Us Are Dead’ a ni a, Sweet Home leh Kingdom fan te tan hmaih chi a ni lo. Sikul pakhata zombie \ai darh hluai hmuh tur a awm. Ja-nuary 28 hian an tlangzarh dawn. Spanish series lar, ‘Money Heist’ ang deuh Korean version te pawh i chang chhuak dawn. A ni tak sawi chian a la awm lo thung.
February thla tharah hian show thahnem tak en tur a awm dawn a, a tam zawk chu romance a ni ang. Twenty Five, Twenty One, Forecasting Love & Weather, leh Thirty Nine te i lo chik deuh dawn nia. ‘Love and Leashes’ pawh hi February 11-ah i hmet-chhuak thei dawn bawk.
Netflix-a en tur Korean shows:
Title Release date
All of Us Are Dead January 28
Juvenile Justice NA
Twenty Five, Twenty One February 12
Forecasting Love and Weather February 12
Thirty Nine February 16
Tomorrow NA
Business Proposal NA
The Sound of Magic NA
Remarriage and Desires NA
A Model Family NA
Glitch NA
The Accidental Narco NA
The Fabulous NA
Love to Hate You NA
Money Heist: Korea – Joint Economic Area NA
Somebody NA
Black Knight NA
Love and Leashes February 11
Yaksha: Ruthless Operations NA
Carter NA
Seoul Vibe NA
20th Century Girl NA
JUNG_E NA
Celeb Five: Behind the Curtain NA