Nilainia Republic Day lo thleng turah hmarchhak state hrang hrang pariata police 39 zetin police medal an dawng dawn.
Assam police 14 chuan chi hnihah police medal an la dawn a, la hnem ber an ni dawn a. Tripura (7), Manipur (6), Mizoram (4), Arunachal Pradesh (3), Sikkim (2), Nagaland (2) leh Meghalaya (1) ten an dawt.
Assam atanga chawimawina dawng tur police 14 zinga 13 hian police medal for meritorious service an dawng dawn a, pakhatin President’s police medal for distinguished service a dawng dawn thung.
Tripura police parukin police medal for meritorious service dawngin pakhatin President’s police medal for distinguished service a dawng ang.
Manipur police paliin police medal for meritorious service dawngin pakhatin President’s police medal for distinguished service dawngin pakhatin police medal for gallantry a dawng bawk ang.
Mizoram police pathumin police medal for meritorious service dawngin pakhatin President’s police medal for distinguished service a dawng ve bawk ang.
Arunachal Pradesh police pahnihin police medal for meritorious service dawngin pakhatin President’s police medal for distinguished service a dawng ang.
Sikkim leh Nagaland-a police pakhat ve vein police medals for meritorious service dawngin pakhat ve ve bawkin President’s police medal for distinguished service an dawng ang.
Hetih lai hian Meghalaya police pakhatin police medal for meritorious service a dawng dawn bawk.
Republic Day vawi 73-na lawmna turah hian Union Home Affairs Ministry chuan police chawimawina sang 939 dawng tur puangin heng mite hi gallantry/service medal dawng tia sawi an ni a. Mi 939 zingah hian mi 189 chuan Police Medal for Gallantry an dawng ang a, 88 chuan President’s Police Medal for Distinguished Service dawngin 662-in Police Medal for Meritorious Service an dawng ang.