Rock icon lar Meat Loaf thih hnu-ah a hla hralh leh stream zat nasa taka pungin, a punna 4,650% a kai chho hial.
Karhmasaa khawvel chhuahsantu album, ‘Bad Out of Hell’ (1977) chu mak takin karthar lamah hian top 10-ah a lut ngei dawn tih a chiang.
MRC Data tarlan danin, Meat Loaf thih thu hriat lar a nih hun January 21 atang khan a hla stream pun dan a kang nghal zawt zawt a, a thlen san ber laia a punna hi 4,560% a ni vah mai.
Fan tam takte chuan a hla ngaihthlak maiah duhtawk lovin album lei lam ah pawh an che na nghal zui hle a, karkhat pawh a liam hmâ hauha a album hralh punna 18,684% ni tawhin, digital track sales-in 33,793% a kai tawh bawk.
Kum 74 mi Meat Loaf tia hriatlar Michael Lee Aday hi rimawi khawvela artist hralh tla ber pawl ni pha in, album a tihchhuah tawhte an hit deuh vek a, ‘I’d Do Anything For Love’ hla phei chu Mizo thalaite zingah pawh a mikhual lo hle.
VH1-in ‘100 Greatest Artists of Hard Rock’ a tih-chhuahah 96-na hauhin, 1994 khan Brit Award a dawng bawk.