Mizo Hmeichhe Insuihkhawm Pawl, Vairengte Block, Mizoram Police, Excise & Narcotics leh Taxation Department te thawkhoin Mizo thalaite hriselna tichhe thei thil – Shikhar, Tiranga, SS – ONE Tobacco leh a dang thahnem tak an mante chu nimin chawhma khan Vairengte Block MHIP enkawl mek, Hope Centre, I.O.C Veng, Vairengte hmunah Ngurmawii Sailo, Health Minister Dr. R. Lalthangliana nupuiin a hal ral.
Halral inkhawm tawi te neih hi Chawngthanpari, president; Vairengte Block MHIP-in a kaihruai a, he hun an hman theihna tura tha leh zung sengtu leh anmahni thawhpuitute zawng zawng chungah lawmthu a sawi a. Hemi hnuah hal ralna zui nghal a ni.
Ngurmawii Sailo hi Lalliani, Aizawl Khatla Branch MHIP hruaituin a tawiawm a, H. Lalchawimawia, Vairengte Police O.C te leh khawchhunga NGO hruaitu hrang hrangte leh MHIP member-ten he hun hi an hmanpui bawk.
He thil hal ral hlut zawng hi bazar rate atanga chhutin Rs 5 lakhs man hu zet a tling a ni.