Aprilia flagship motorcycle pahnih RSV4 leh Tuono V4 te chu international market-ah update thar hmangin phochhuah a ni a, colour thar nen an hawi champ nghal hle.
Ultra dark bika hi 2006 Aprilia RSV4 1000R beh-chhana siam niin, a pahnih hian matte black a chei a ni a; badges, logos, tail unit leh forged aluminum wheels te chu gold color-a mawi taka luan a ni.
Lehlamah chuan, Tuono V4 Ultra Dark hi tlêmin a danglam hret a, RSV4 ang lo takin golden wheels a nei lo thung. Chu lo dang zawngah chuan, gold logos leh tail unit langsar veh vawh tak thlengin a inang deuh vek.
2022 RSV4 leh Tuono V4 te hi khawl lam thil leh feature angah danglamna hmuh tur a awm lem lova, models hmasa lam nen pawh a intluk tlang viau. 1099cc hmanga thuam a ni. V4 hi a lawr deuh hlek a, 217bhp @13,200rpm a ni.
Aprilia hian RSV4 leh Tuono V4 te hi India ramah limit ang-reng takin a hralh chhuak mek.
Engpawhnise, 2022 version thar pahnih pawh hi an phochhuah thuai beisei phawt ang hmiang.