BSF Inspector General Tripura Frontier, Susanta Kumar Nath chuan smart surveillance camera 25 bun thar a nih thu leh heng zinga pakhat tih loh chu Tripura leh Bangladesh inrina, km 856-a thuiah a nih thu a sawi.
Nath chuan BSF hian ramri hungna atana barbed wire zam hna an thawh pawh an chhunzawm zel rualin tun lai thiamna hmang leh thil dang hmanga ramri venhim hna an tichangtlung zel tih a sawi.
“Kum 2021 khan Single Row Fence (SRF) paruk peihin a nih dan tur anga bun fel a ni a. Hetiang bawk hian SRF hi hmun dangah pawh dah a ni a. BSF chuan Tripura chin bika ramri hung hna hi kumin chhunga thawh zawh a tum a ni,” tiin a sawi.
BSF hotu sang hian sipaite hian tual chhung mite pawh sawmin ramria kawr leh hmun rualrem lo laite chu an thian nasa hle tih a sawi a, hengte hi a tam zawk chu state khawchhak lama mi a nih thu leh hmun 44-a hetiang awm hi thira siam gate hmangin a hnawh tawh loh nana an siam thu a sawi.
Nath chuan nikum chhung khan BSF hian ruihhlo Rs Vaibelchhe 35.64 man hu vel an man thu a sawi a, heng zingah hian ruihhlo man to zual chi pawh Rs Vaibelchhe 14 man vel a tel tih a sawi.
Tripura-a BSF hotupa chuan nikum chhung khan India-Bangladesh ramri kâna Tripura atanga India lut ru chu nasa takin a hma aiin an tlahniam tih a sawi.
Nath chuan hetianga ramri kân an tlem chhan hi venhim hna an thawh nasat bakah COVID-19 hripui leng vang a nih thu a sawi.
“Nikum chhung khan mi 221 chauh ramri kân tum man an awm,” a ti a. Mi 118 chu Indian niin mi 97 chu Bangladeshi an ni thung.