January 26, 2022-a Hunthar venga kangmei tuartute tlawhin nimin khan Lalrinenga Sailo, Aizawl Mayor leh Aizawl North III bialtu MLA C. Lalmuanpuia ten tanpuina an pe.
Kangmei tuarte chu a tawrhpui thu sawiin Aizawl Mayor Lalrinenga Sailo hian, a theihna a[iangah puih an inhuam thu leh khawtlang hruaitute pawh inthlahrung hauh lo a, puih an ngaihna a awm a nih chuan an hnenah thlen zel turin a chah a. Khawtlang hruaitute hnenah a tul apianga hman turin Rs 10,000 a hlan nghal.
He hunah hian Aizawl Mayor hi R. Thanglura, Deputy Mayor leh Exeutive Councillor pathumte bakah bialtu councillor John Zosangliana Ralte ten an tawiawm bawk.
Aizawl North III MLA C Lalmuanpuia pawhin nimin vek khan Hunthar venga kangmei chhuak avanga vanduaina tawk chhungkuate tlawhin chhungkaw palite hnenah tanpuina Rs 60,000 leh chhungkaw member daih blanket a hlan bawk.
Hunthar venga in kangin a kan ral tak bungruate hi Rs nuai thum hu vela chhut a ni a. Nimin khan Hunthar Veng Local Council leh Joint NGO huaihawtin in kang bang te senghawi leh in thar sak hnatlang neih niin, mi 200 chuang tehmeuh an thawk chhuak thei a ni.