PC party thalaiin “sorkarin fire and emergency services department chhui chiang rawh se” an ti.
PC party thalai chuan tun thla ni 26-a Hunthar veng, Aizawla kangmei chhuakin fire department te thelh hman lova chhungkaw chenna in meivapa a chantir chu pawi an tih thu sawiin, vanduaina tawk chhungkuate an tawrhpui thu an sawi a. Nikum December 17-a Aizawl Bawrhsap Pisapui mei vapa chantir a nih atangin Fire department chu chhui leh zirchian a hun tawh zia an lo auchhuahpui tawh tih an sawi.
Fire department-a thawktu ten training an nei tha tawk lo nge, hmanrua an nei tha tawk lo nge, an nei ngah tawk lo nge ni a, an inthlahdah zawk tih chu an zawhna a nih thu PC party thalai chuan an sawi a. A rang thei ang bera Fire department chu chhuia, zirchiang tura Mizoram sorkar an phut thu an sawi a ni.