Manchester United leh England forward Mason Greenwood chu nasa taka a bialnu sawisa a puh a ni a. Pathianni khan a bialnu Harriet Robson chuan Instagramm ah Greenwood kutthlak vanga hliam a tawrh hrang hrang a post a, ngaihven a hlawh nghal hluai. Thawh\anni khan Greenwood hi Greater Manchester Police ten an man a, Istagramm lamah United tana a khelhpui ten an unfollow nghal zut zut bawk.
Harriet Robson hian IG-a a story-ah a ka a\anga thisen luangchhuak nguai nguai te, a taksa hmun hrang hrang a duk awm thluah thluahte chu Pathian khan a tarlang a, titi a siam nghal hluai. Dawta inpuh hmingchhiatna leh intihmualpho tumna thil a nih vangin ngaihven hlawh tak chung siin sawi zui a ni nghal hluai lo. Thawh\anniah Greenwood hi man a ni a, United player langsar tak tak ten an unfollow chuah chuah a, United lam pawhin training leh inkhelh an phalsak loh zui leh tak zel vangin tak tak a nih hmel ta riau thung.
Tarlan tawh angin kum 20 mi, khawvela rawlthar \ha ber pawla ngaih Mason Greenwood hi Greater Manchester Police ten man in, thu zawhfiah atan an kawl mek a. Puh a nihna hi ngunthluk takin chhui zui nghal a ni ang. Hetia Police in an man tak hnu hian United player langsar Cristiano Ronaldo, David de Gea, Paul Pogba leh Marcus Rashford ten instagram lamah an unfollow nghal a. A hnu deuhah Edinson Cavani leh Jesse Lingard ten an unfollow zui ve leh bawk. Hetihlai hian United captain Harry Maguire leh an player langsar Bruno Fernandes te chu Greenwood thlawptu zingah an la tel thung a. United first-team squad member 19 laiin an la follow zui zel.
Puh hmingchhiat a nih a, deu leh cheksawlh rawn a nih lai hian Mason Greenwood hian social media lamah aw ka a la nei miah lova. A puhtu Harriet Robson ngei pawh \awngkam khatte pawhin a la chhang let ve lo thung.
Mason Greenwood-a bialnu Harriet Robson hi professional model a ni a, kum 22 mi niin a bialpa aiin a upa zawk. Amah hi Christian sakhaw zuitu a ni. Mason Greenwood nen hian high school an kalna a inang nghe nghe. Tuna a puhchhiat mek Greenwood nen hian kum 2020 a\ang khan a khawsa dun a, an ingeih viau emaw tih laiin boruak duhawm lo tak an nei thut a. Khawvel ngaihven laih khawpin chanchin chhia an nei zui ta hial a ni.