Rock & Roll Hall Of Fame-a lakluh tur class of 2022 nominees tlangzarh a ni ta a; Eminem, Duran Duran, Dolly Parton leh Rage Against The Machine te an langsar.
Anni rual hial rimawi khawvela buk rit tak tak zaithiam thahnem tak an tel bawk a, intihsiakna leh inrinsiakna boruak a hot chho nghal hle. Kate Bush, Eurthimcs, Lionel Richie leh Judas Priest te pawh hi tawh an khirh ang. Zaithiam dang lar tak tak an la awm bawk a, class of 2022 hian ngaih-ven a hlawh nasa.
Zaithiam sang khat chuang, industry member leh historian te’n an enzui dawn chu a ni a, 17 atangin panga ah an thlifim ang. Fan te pawhin Rock & Roll Hall Of Fame-a lakluh tur thlannaah pawimawhna an nei ve dawn a, vote an thlak thei ang.
Mi/band panga te hi tute nge ni ang, tih chungchanga chianna engmah la awm lo mah se, intihsiakna boruak erawh a nung tha hle dawn tih a chiang.
A bik takin, Eminem tan a vawikhat inlanna hi bawhpelh a tum hauh lovang le. Rock Hall dan ah chuan nomination hmuh hma lam kum 25-ah album puitling pakhat tal a siam chhhuak tawh tur, tih a ni.