Royal Enfield Classic 350 thar chu unit 1,00,000 siam tlin a ni ta a, company-in thuchhuah a siamah September 2021 a Indian market luhchilh ta hi model an siam tawha hralh tla ber a ni.
All-new Classic 350 hi Thailand, Philippines, Korea, Australia leh New Zealand-ah te pawh lei theih tura phochhuah a ni mek a, an hlut hle.
Royal Enfield hian Class 350 thar hi UK-ah booking a hawn tawh bawk a, March 2022 atanga khalh chhuah theih tura rua-hmanna siam a ni bawk.
Royal Enfield hian tunhnai khan ramchhunga a bike man a tisang nual a, price revision hian Classic 350 pawh a nghawng tel. Tun atang chuan Rs 1,87,246 man a ni chho tawh ang.
Redditch: Rs 1,87,246
Halcyon: Rs 1,95,125
Signals: Rs 2,07,539
Dark: Rs 2,14,743
Chrome: Rs 2,18,450
Classic 350 thar hian 349cc, air/oil-cooled engine hmangin, company-in J-platform thar a siam beh-chhana din a ni.
Five-speed transmission, 20.2bhp power leh 27Nm peak torque a siam thei. Tripper navigation function tiamin, Semi-digital instrument cluster a awm.