- F. Vanlalrochana
January thla khan inrinni vawi 4 thu kan ziak a. |um khatah thu pakhat aia tam khan kan chai \hin a. Chu chu kuminah pawh kan kal tum dan deuh a ni a. A thupuiah hian ‘sumhmun titi’ kan ti deuh tawp tawh mai anga. A vawi 5 na a nih dawn avangin vawiina kan titi hi ‘Sumhmun Titi 5’ a ni ang. Hetiang hian a zat kan chhiar chho zel mai dawn a ni.
ALOHA OE
Hla pahnih, lunglen thlak tak mai, thluk in\awm bawk, chanchin i han sawi dawn teh ang. A hun leh hmun chu inthlau tak a ni. Mihringa te pawh hnam hran daih, khawmualpui hran daih an ni zui a. ‘Di \henna’ kaihhnawih ve ve erawh a ni teh tlat lawi a!
1877: Hawaiian Princess Liliʻuokalani chuan kum 1877 khan Maunawili Thliarkar a tlawh tumin Commander James Aalapuna Harbottle Boyd chu a ranch-ah an va hmu a. Princess te hi an haw leh dawnin, a va hawi let chuan Commander James Aalapuna Harbottle Boyd chu Hawaiian nula hmel\ha tak hian Hawaiin par \hi mawi tak mai a awrh tir lai hi a va hmu a. Inthlahna duhawm tak chu Nula chuan a lo lan tir mek a, Commander pawh chuan a biangah a fawh sak a. A thlah letnan a pawm vawng vawng a. Chumi chu Princess chuan a hmuh chuan Aloha-oe tih hla hi a phuah ta a ni.
Proudly swept the rain by the cliffs
As it glided through the trees
Still following ever the bud
The ‘āhihi lehua of the vale
Farewell to thee, farewell to thee
The charming one who dwells in the shaded bowers
One fond embrace,One fond embrace,
Until we meet again Until we meet again
‘
Sweet memories come back to me
Bringing fresh remembrances
Of the past
Dearest one, yes, you are mine own
From you, true love shall never depart
I have seen and watched your loveliness
The sweet rose of Maunawili
And ’tis there the birds of love dwell
And sip the honey from your lips
He hla hi Goombay Dance band te leh Tia Carrere te, Elvis Presley te leh zaithiam lar tak takin an sa a ni.
Tom and Jerry cartoon-ah pawh a awm kha, ‘Cruise cat’ tih episode-ah khan. A rimawi siamtu kha, Scott Bradley a ni.
1936: Vankhama kha, a ngaihzawngte an pem dawn a, an pem hmaa an inthlah \um chuan, engtik niah emaw, Hrangturzo tlangah i lawn anga, Tuikhuahtlangah kei ka lawn anga, kan inthlir dawn nia, tiin an intiam a. |um khat chu an lawn dun ta ngei a, Pu Vankhama khan a han thlir a, mahse, chumi ni chuan romei a zâm ta hlauh mai a. Hrangturzo tlang chu a hmu thei viai viai chauh a; Romei chu zâm lo pawh nise, a ngaihzawng chu a hmu thei dawn chuang lo a. Chutah chuan, a han rin thlir a, a awm ve ngei awm sia, khi tlangah khian a ti a. Khatih laia a thinlung khawhar dan tur leh a lunglen dan tur kha kan hrethiam pha lo ang.
“Awm khawhar lenkawl ka han thlira
Tlang a lang romei a zam karah
Tahte khian laitual a leng ang maw
Hmana suihlung rualpui hi dawn ve maw”
Ka di biahnem, aw lenghermawi
Nang ang renga suihlung ti lêng ka tawng lo
Kar mah hla se, ka ngaizual che
KA NGAI CHE, AW, KA NGAI CHE” a ti thlawt mai a nih. Aloha-oe tih thluk hian he hla hi a phuah ta a ni.
AWLSAM ZAWNG |HIN MIZOTE
Mizote hian awlsam, buaipui vak ngai lo kan zawng nasa. Thawhrim em em loha neih theih a nih chuan a dik leh dik lo pawh kan thluk vak lo.
Sawi tur tam tak a awm a. Pathum chauh han sawi ila:-
- India mi ni reng siin, Burma passport-in khawchhak lamah hnathawkin kan kal fo. Vanduaina leh thihna tawhpalhin a buaithlak fu.
- Mizo nula pakhat pawh Passport lem hmanga China a kal avangin man a ni a. India ramah thawn haw a niin, a buai phah hrep.
Point 1-na leh Point 2-na
Passport siam hi thil harsa a ni lem lo. Chuti taka buaithlak pawh a ni lo. A dan dik taka passport siam a tha ber. A him ber bawk. Nakin zel atan pawh a \ha.
- Driving license lem siam kan lo tam. Thubuai an neih phah nual. Lirthei khalh thiam reng si chuan, a hmun dik taka driving license siam tir tur.
Henga kan buai phahna hi awlsam kan zawnna avang mai a ni. Nun kawng peng hrang hrangah hian awlsam kan zawng nasa lutuk a. Dan han zawm loh zeuhte hi pawi kan ti lo. He rilru hian thuktakin min luhchilh zel a. Kan hnam \hanzelna tur atan pawh a tha lo tak zet mai.
Passport lem kan siam dan te, license lem kan siam dante en hian certificate dang pawh a lem kan siam fo ang tih a rintheih. Sim hmak tur chi, insiam \hatna tur a ni.
Data corruption pawh hi a nasa viau ang tih a rin theih bawk a. Kan khawsak dan ho tak, ngaihsam tak leh ngaihtuah chian lohna hian kan hnam hi min ei chhe mek a ni.
Sawrkar lam pawhin dan dik taka tihtheih tur tho si, a hma aia awlsam a ngaihtuah a \ha. Mipui tana awlsam a zawnsak a \ha. A engapawh chu nise, dan dinglai anga tih tur tih mai hi a \ha ber a, a tlo ber!
THLIR DAN DIK
Harsatna hmachhawn tura thil pawimawh êm êm pakhat chu “Thlir dan dik” hi a ni.
Nu pakhat hian fa a nei a. Vanduaithlak takin a fa chu piangsual, kut khinghnih bul niin, a ban bul atang chuan chawr chhe te chauh a awm a.
Thlirdan 1 na: An pa chu a beidawng let der a, Pathian a mawhchhiat a, an Doctor lah chu anchhia a lawh bawrh bawrh mai a. Pa ber chuan a thim lam a thlir a, han lawmna chhan tur a hmu hlawl lo.
Thlirdan 2na: Mahse nu ber dawnsawn dan erawh chu a dangin a chhinchhiahtlak khawp mai. A fa sên te chu duat takin a chawi a, a han en a, “Naute khawngaihthlak tak a ni! \anpui a ngai nasa dawn hle mai. Lalpa ka lawm e, a enkawl theitu tur dik tak hnena i pek avangin,” tiin lawmthu a sawi ta zawk a ni.
Kan thil thlir dan hian kan khawvel hmachhawn dan a nghawng a. Kan hmalam hun pawh a hril thui hle a ni. Thlir dan dik leh hahdam zawka thil thlir \hin hi a \ha a ni.
NANAVATI CASE
India ram thubuai rem dan (Criminal Justice System) kan tihah hian Khawvel hmun danga an la hman Jury System hi a awm \hin a. Tun hnu hian a awm ve ta lo a. Chumi tibotu, nghawng chhuaktu chu, thubuai pakhat a awm a. Chu thubuai chu, vawiin thlenga titia la sawi a ni a. Tawitein, han sawi ve dawn ila.
‘Nanavati case’ an ti mai a. A case thawnthu hrim hrim a ngaihnawm. A kaihhnawih thil dang pawh a ngaihnawm. Chipchiarin sawi lo ila.
A thubuai hming put chhan KM Nanavati hi, Navy commander a nia. A nupui ngaihzawng Prem Ahuja chu a thata puh a ni a. 1959 ah trial hi an nei.
Prem Ahuja leh Sylvia Nanavati kha an inngaizawng a. Commander Nanavati kha naval assignment in a chhuak zing bawk si.
Sylvia Nanavati chuan, a pasal \hen a. Ahuja neih a duh a. Prem Ahuja chuan, a lo kawp satliah mai mai a lo nih hmela. Sylvia-in, a laka a rilru puthmang ang kha a lo pu ve lem lo niin a lang.
|umkhat chu commander Nanavati lo hawng khan, a nupui chu amah hlat riau (aloof and distant)in a hria a, a ngaih\ha loin a zawt ta a…
A nupui chuan thil dik tak sawiin, Prem Ahuja nen a, an inkawp thu kha a sawi ta a. Prem Ahuja chu, KM Nannavati hian a service pistolin a va kaphlum ta a ni. A kahhlum hmain, a nupui chu a nei duh angem, an fate pathum chu a fateah a pawm duh angem, tih a zawt a…Prem Ahuja chuan ‘Duh lo’ a lo ti sia..Vawi thum a kap a…Chumi hnu chuan, western naval command-ah provost marshall hnenah a va in pe ta a ni. Chutichuan, thubuai chu an ngaihtuah chho ta a.
Hemi trialah hian culpable homicide leh murder chungchangah thu an inchuh chho ta a.
Greater bombay session court jury khan 8-1 in section 302 IPC a an puhna chu ‘not guilty’ an ti ta a ni. Hei hi Jury system tih tawpna bul lo in\anna chu a ni ta a ni.
302 IPC hmangin KM Nannavati chu thil ti suala puh a ni a. Nannavati te lam erawh chua, “A kaphlum ngei a…Murder erawh a ni lo” a’n ti ve ta tlat a. Section 300 IPC exception 1 leh 4 hian culpable homicide murder a nih loh dan a sawi a. Ukil te khân, ‘Murder a ni lo. Culpable homicide not amounting to murder,’ a ni e, tiin an \ang ta tlat sia. A technical a sin aw.
Session court atangin Bombay hight court-ah an kai a. Bombay high court-in damchhung tang turin a ti a. Bombay Governor chuan high court sentence chu a suspend a. Bombay governor order chu supreme court in a suspend ve leh.
Prem Ahuja kha Sindhi Community a ni a. Sindhi Community in 1963 kha ngaihdamna lehkha an ziak a. Governor of Bombay in a ngai dam. Nehru a farnu Smt. Vijayalaksmi Pandit kha chutih laia Governor chu a ni.
Tan in a\anga a chhuah hnu hian KM Nannavati hi, a nupui fanaute finin Canada-ah a kal ve zui ta a ni. 2003 khan a thi.