Goal thum an chhuah hnuah Cameroon in ‘second half comeback’ ropui tak an tihlawhtling a. Penalty a hnehna chang zuiin an ramah Africa Cup of Nations-ah pathumna an hauh.
Yaounde a Inrinni zanlaia Ahmadou Ahidjo Stadium a inkhelah a tawp minute 20 chhungin a thlengtu ram hi an tho leh a. 3-3 in an inhnehtawk hnuah 5-3 in penalty shootout-ah an chak.
Third/Fourth place Playoff-ah Cameroon hian an squad a an chhawr rim loh zawkte khelhtirin first half-ah goal hnih an chhuah a. Defender Steeve Yago chuan minute 28-naah goal khungin Cameroon goalkeeper Andre Onana chu Burkina Faso in an nei bawk a. Second half \an tirah Djibril Ouattara chuan an goal thumna a khung.
Second half \an dawnah Cameroon in an goal thu khawl, captain Vincent Aboubakar an dahlut a, minute 71-na a Stephane Bahoken-a’n goal a khung hnuah Aboubakar-a’n goal hnih a khung a. Tun tournament-ah goal 8 a khung.
Penalty hmanga chak zawk zawnnaah Cameroon in an pet goal vek a, an goalkeeper Onana chuan Blati Toure pet dansak thungin hnehna an chang.