Paris Saint-Germain in France-ah champion lai Lille an sawp a, tlarhnung lama chetsualna chu remchangah an lak \hin avangin 5-1 a chakin tun season a Ligue 1 hmahruaitu Paris khaw club an tlan fal.
Stade Pierre-Mauroy-ah PSG tan forward Lionel Messi chuan an kawr ha chunga a khelh \hat ber \um a hmang a. PSG goal thumna a khung a, tun season-ah league inelna a goal hnih a khungna chauh a ni.
PSG hian season liamta khan Lille hi league inkhelah an draw bakah an lakah an tlawm a. Season liamta khan Lille hian champion trophy an chawina kawngah goal 23 chauh an chhuah a, tun season-ah erawh goal 35 an chhuah tawh.
An goalkeeper Mike Maignan a chhuah hnua an rin Ivo Grbic a chesual chiang a. Minute 10-naah veilam a\anga ball an cross chu man thei lovin Danilo Pereira chuan goal hmahruai a khung.
Minute 27-naah PSG winger hlui, a club 10-na ni tura tunhnaia Lille zawmtu Hatem Ben Arfa siamsak a\angin Sven Botman chuan an si phurh a sut.
Mahse Lille phur a rei lova, PSG tlarhnung tibuai fo mahse an tlarhnung a pherh. Grbic bawk chesualin corner a\angin center back Presnel Kimpembe-a’n PSG hma a hruaipui a. Messi-a’n goal a khung leh hnuah Pereira chuan a goal hnihna khungin Kylian Mbappe-a’n goal hnuhnung ber a khung.
Inkhel zawhah PSG manager Mauricio Pochettino chuan France-ah beisei anga bul a \an loh avanga sawi hlawh Messi chu fakin, “Leo hi khawvela player \ha ber a ni tih hi rinhlelh tur a awm lo. Midang ang bawkin league-ah mi thar a ni a, insiamremna hun a mamawh. Covid avanga thla khat dawn inkhel lo a nih avangin a taksa pawh inbuatsaih ve a ngai.” tiin a sawi.