Tlangzarh atanga kar riat vel lekah pawh Tom Holland channa hian box office lamah record a siam chho zel a, James Cameraon film, ‘Avatar’ -in tualchhunga box office record a siam tawh a thiat dawn hnai a ang.
Avatar-in North American-a sum a lakluh hi $Maktduai 760 a ni mek a, Spider-Man: No Way Home -in $Maktaduai 748.9 la lut tawhin, a dinhmun a tha hle.
Khawvelpum huap ang chuan No Way Home hi Avatar aiin a chetha fe zawk tawh a, $Billion 2.84 hmu tawhin, No. 1 film a ni chiang hle.
Hun reilote chhungin Marvel, ‘Avengers: Endgame’ a pel nghal mai bawk nen, a ngaihtuahawm lo chhunzawm zel.
North America ni lo hmun danga No Way Home sum lakluh $Billion 1.7 tling tawhin, Sony Pictures chhualchhuak zinga film ropui ber a ni. Khawvela movie market lian ber China rama tlangzarh a la ni lo mah mah! A ngaihnawm dawn e.
Khavelpuma $Billion 1.74 lalut tawh No Way Home hi worldwide box office-a sum lalut hnem ber paruknaah tunah a awm mek.
China rama an la tlangzarh lo chung pawhin ‘Spider-Man: No Way Home’ chu lemchan khawvela film hlawhtling ber paruknaah a invawrhchho ta tho a ni.
Tom Holland channa hian film lar tak tak- Jurrasic World’ leh ‘The Lion King’ te a khum fai vek. Sony/Marvel film hi Market lian ber zingami China rama tlangzarh a nih hunah phei chuan a dinhmun hi a danglam dawrh rin a ni a, record thar a siam ngei beisei a ni.
Tun dinhmunah ‘Spider-Man: No Way Home’ hi UK, Mexico, Korea, France leh Australia-ah te a chetha zual.
Covid-19 hripui vanga hmun tam taka khuahkhirhna nasa tak karah heti tak maia a chetha thei hian lemchan khawvel tan beiseina nasa tak a siam phah a ni.