Bayern Munich defender palian Niklas Sule chuan tun season tawpah chona thar hmachhawn turin club a chhuahsan dawn a, an elpui hlun Borussia Dortmund a zawm dawn.
Germany international nilai hi hun engemaw chen a\ang a contract zo tur avangin a hma hun chungchang hi sawi a ni fo tawh \hin a. England lam a\ang pawhin ngaihventu ngah mahse Germany a cham zui zel a thlang.
Kum 26 mi hian Bayern Munich a contract ziah belh loh a thlang a, Newcastle United leh Chelsea ten ngaihven hle mahse kum 2017 a\anga a zawm Bayern chhuahsanin Borussia Dortmund-ah kum li contract a ziak.
Aman a sawi chiang
Sule chuan a hma hun chungchang hi thla hmasa khan an tihfel tawh thu a sawi a. “Tunhnaiah ka chungchang avangin thuthang a tam a, ka kal zel dan turah zawhna a tam. Hun engemaw chen a\ang khan Borussia Dortmund zawm tur hian ka rilru ka siam fel tawh.”
“Kan inbiak hmasak ber a\angin thawhpui min duhzia ka hre thei a, Dortmund a ka mawhphurhna tur leh ka pawimawh dan tur chiang takin an tilang. Inkhel tur chauh ni lova kawng hrang hranga thawhpui min duh nia ka hriat avangin anni hi ka zawm dawn tih ka rilru in a hrethiam nghal thuai.” tiin a thutlukna a sawi.
Dortmund sporting director Michael Zorc pawhin, “German national team player kum li chhung kan nei tur hi kan lawm tak zet. Kan inbiaknaah Niklas hian kan team a tel hi a duh tak zet tih hi kan hria.” a ti ve bawk.
Bayern Munich tana Bundesliga title vawi 4 chawi tawh Sule hian an tan vawi 159 a inkhel tawh a. Germany tan vawi 37 a khel tawh bawk.
Allianz Arena a chhuahsan chhan hi sum ni lovin chona thar a hmachhawn duh vang a nih thu a aiawhte chuan an sawi a. Bayern hian a hmunruak luah turin Chelsea defender Andreas Christensen an beisei mek.