Kum hnih chuang inhliam avanga a inkhelh theih loh hnuah Klay Thompson a inkhel leh a, a ‘comeback’ kawng zawh mekah chak telh telhin Thawhlehni zingah Oklahoma City Thunder 110-98 a Golden State Warriors in an hnehna kawngah a tawp khartu a ni.
A inhliam dam hnuah a game 12 khelhnaah Thompson-a inkhelh hunchhung hi Warriors in an ti pung a. A tawp kharnaah tel theiin a zawna 3 points vawi hnih a luh chu an chak phah.
Kum 2019 NBA Finals-ah a khup veilam ti na in a chawl a, dam lam a pan laiin a kum 2020 November khan a kheimitah hliam a neih leh avangin nikum kumtawpah Thompson hi a inkhel leh chauh.
Minute 29 a inkhelh chhungin Thompson hian point 21 a score a, a shooting in ngai la awh chiah lo mahse hun pawimawhah erawh a la lang.
Warriors chhuanvawr, an chakna hnar ber ni \hin, ‘The Splash Brothers’ tia 3 points an luh theih em avanga hming an phuah chhan Klay leh Stephen Curry te Warriors tan an che \ha a. Curry hian point 18 score in assist 10 a nei.
Thompson hi a inhliam a dam hnuah minute tam khelh tir a team in an la phal lova, tun \umah a minute khelh theih zat tur chu 30-ah tih san a nih avangin inkhel tawp hun pawimawhah court-ah danglamna a siam thei.
Inkhel dangah NBA a record \ha ber Phoenix Suns chuan 127-124 in East team \ha dang Chicago Bulls an hneh.
DeMar DeRozan leh Devin Booker te point in score siakna inkhelah point 38 ve ve an score a, Suns an ding chang zawk.
Booker hian tunhnai game li chhunga point 30 a pelh \um thumna a ni a. Veteran Chris Paul chuan point 19 leh assist 11 a nei ve bawk.