HRISELNA HUANG
BALHLA THATNA LEH THAT LOHNA
- Robert Zoliana
Fur, nipui leh thlasik ah te pawh ei tur awm reng thin Balhla hi a rampum huap ang pawhin awlsam te a lei leh hralh theih reng a ni a, thei hrisel tak pawh a ni. Vitamin leh nutrient chi hrang hrang a awm a, infiammite tan phei chuan duhthusam a tling. Amah-erawhchu, balhla hian thatna a neih rualin, nghawng tha lo/that lohna (side-effect) a chhawm tel tih hriat a tha.
Balhla hi khawi maw laia a lo dum a, color dang deuh a awm tawh chuan a thlum em em mai thin a. Heng balhla te hian blood sugar level-ah thil tha lo an thlen thei. A hring lam deuh (ei theih ve tho) a nih laia ei a tha ber.
Zunthlum nei te tan Balhla ei loh tawp tur a ni a, sugar level a san vangin a him lo hle.
Balhla thlum tak te hian Ha lama insawiselna (dental problem) a thlen thei bawk.
Pumpai a tinuam viau lo thei a, pum lam insawisel leh chaw pai tawihna kawnga muang lutuk thinte tan ei loh pawh a pawi lo zawk ang.
Balhla ah hian fiber a awm a, riltam a tiziaawm theih vangin taksa rihna paihna kawngah a thawhhlawk thei. Mahse, pumpui chak lo leh pum lama insawiselna neuh neuh nei tan buaina a thlen thei bawk.
Potassium leh magnesium te hi Balhla-ah hmuh niin, nikhata kan mamawh 10% dawn a phuhru thei. Heng thil pahnih te hian electrolytes siamna kawnga thil pawimawh mineral tan an tangkai hle a, theirah pangngai dang-ah a ruala hmuh tur a awm meuh lo nghe nghe. Heng electrolytes te hi taksa tihrawl ah tui hmang-in chakna (energy) an pe a, thisen (bloodstream) lamah ni lovin. Chuvang chuan, gym kal hnu a Balhla ei te hi thil tha a ni.
Potassium tamna Balhla hian blood pressure (BP) a tibuai thei a, hei vang hian sodium tamna thlai-hnah te nena eikawp theih nise a tha ber. Hei hian taksaa sodium-potassium level a tirualkhai thei. Chuvang chuan, balhla hi a awm táwk chin ei thiam a pawimawh ta reng a ni.