Premier League champion lai Manchester City chuan an hma hruaina chu point 12-ah an tichho a, Brentford hmachhawnin harsatna nei lovin 2-0 in an chak.
Etihad Stadium a Nilaini zana Premier League inkhelah City tan Riyad Mahrez chuan match sarih a\anga a goal riatna a khung a. Nizan a Leicester City hmachhawn tur Liverpool aiin City hi point 12 in an sang zawk.
“A \ha ber kan ni lo, a pawi ka ti lo”
Brentford hi tun season-ah kaithar an ni a, Thomas Frank-a pawlte hi team hlun zawkte tana zuam sual theih tak an ni.
City lakah pawh hian bul an \an chhe lova, a tir lamah an inkhel tawk hle.
Nimahslea Mads Roerslev chuan \ul lo takin Raheem Sterling chu penalty area chhungah a foul a. Penalty chawiin hei hi Riyad Mahrez-a’n goal-ah David Raya goal-ah a khung.
Second half minute 69-naah Kevin de Bruyne chuan City goal hnihna a khung a. Raya chesual ve thungin penalty area hmawra awm Sterling zawnah ball a theh chhuak a. England forward in goal-a a pet chu dang thei mahse a per a\angin Belgian midfielder in goal a khung.
Brentford in midfielder thar Christian Eriksen chu an hnenah kar khat training nei tawh mahse an la chhawr lova. Season bul an \an \hat rualin tunhnaiah team dangte nena an inthlauh a lang a. A zawnin inelna hrang hrangah vawi ruk an tlawm tawh.
Inkhel zawhah Manchester City manager Pep Guardiola chuan, “Ka player te hi an rilru puthmang fakawm ka ti hle. Inkhelh apiangin an mawhphurhna hlen turin theihtawp chhuahna tak tak an la nei ziah.”
“A tlangpuiin fakna \awngkam an dawn \hin angte hi mi pangngai tan inthlahdahna tham a ni a. Khawvela team \ha ber in ni tih angreng hi thu ho tak niin ka hria.”
“Team \ha ber kan ni lova, pawi tihna ka nei miah lo. A \ha ber nih chu Chelsea te, Palmeiras te an ni.” tiin a sawi a. Tun season a hlawhtlin tuma an inumnaah thluak ‘game’ a khel.
Minute 12 chhungin Spurs an ral
Tottenham Hotspur chuan 2-1 a hma an hruai tawhna an humhim thei lova. Southampton in minute thum chhunga goal hnih khungin 3-2 in an lehthal.
Tottenham Hotspur Stadium-ah mikhual team first half-ah an khel\ha hle a. Mahse an defender Jan Bednarek chuan 18-naah an lamah a ti lut palh.
Striker Armando Broja chuan minute 23-naah an si phurh a sut a, Romain Perraud chuan crossbar pet per bawkin Spurs in ven harsa an ti.
Second half-ah Son Heung-Min chuan minute 70-na a goal a khung avanga an lawm a rei lova, Mohamed Elyounoussi leh Che Adams ten Saints chakna tur goal an khung.
Spurs hian Steven Bergwijn hmangin huntawp dawnah goal khung mahse offside avanga pawm a ni lo. Saints boss Ralph Hasenhuttl chuan, “Football \ha kan khel a, result engemaw tak neih kha kan phu a ni. Inrintawkna nen kan inkhel a, he club ka enkawl tawh hnua kan la khelh \hat ber a ni ang.” tiin inkhel zawhah a sawi.