Aizawl: Mizoram tlawmngai pawl hrang hrang intelkhawm, NGO Cooordination Committee hruaituten Nilaini khan Mizoram leh Assam inrina, Saipum rama Mizoram Police duty-te an tlawh.
Ramri duty tlawha feh chhuakte hi NGO-CC Chairman, Central YMA President R. Lalngheta’n a ho a, Serlui Bialtu MLA Lalrinsanga Ralte-in Kolasib-ah a lo dawng sawng a, ramri kal turte a vai liam.
NGO-CC hruaitute hi Kolasib District NGO Coordination Committee leh Saipum khawtlang hruaituten an tawiawm a ni.
Tlawmngai pawl hruaitute hian ramri humhalha duty mek police-te chu chhel leh rinawm taka Mizoram leh hnam tana theihtawp an chhuahnaah lawmthu an hrilh a, huai tak leh chak taka ram tana ding tlat zel turin an chah.
Police duty-na hmun pathum an tlawhte hnenah hian face mask 50, face shield 50 leh Rs. 5,000 theuh an hlan nghal bawk.
NGO hruaitute hian ramri hmun danga hna thawk tute an awmna hmunah tlawh vek an tum.