Red Bull in car thar RB18 an tlangzarh

Formula 1 team Red Bull Racing chuan tun season thar a intlansiakna tura car an hman tur RB 18 an tlangzarh.
RB18 hi kum 2021 a Red Bull driver Max Verstappen-a’n world champion a nihpui car RB16B nen a inang dawn lo hle a. Formula 1 in kumin season a\anga a hman \an tur dan thar mil tura siam a ni.
A lang thei chinah car ke an hman a lian zawk a, tyre chhah zawng erawh pan zawkin car thla, a hma leh a hnung an siam dan a dang a. Car hnuai a te zawk bawk.
Team principal Christian Horner chuan tuna an car phochhuah chu nikum a Formula 1 in kumina car an hman tur nihphung a tlangzarh nen la inhnaih viau mahse tun thla a preseason testing kalpui a nih hunah a chhung lam bakah a hmel hmang a la danglam hle thei tih a sawi.
Horner chuan, “Intlansiak hmasa ber kan thlen meuh chuan car hmelhmang hi hetiang a nih a rinawm tawh lo. Kum 30-40 chhunga techinical rules thlak a nih nasat ber \um kan hmang dawn a, hei vang hian dan phal chin angin, sum senso bituk zat pel si lova car \hat dan ber kan la zawn a la ngai a. Dan thar pelin kan che em? Midangten min tlansan duai em? tihte leh thil tam tak uluk taka kan la enfiah a ngai.” tiin a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427