Mizoram University chuan nimin khan Undergraduate ODD semester result a tichhuak a, zirlai exam beitu zinga za zela 98.06 an pass.
MZU hnuaia Undergraduate Course hrang hrang BA/B.Sc/B.Com/B.Sc te 1st, 3rd leh 5th Semester exam hi online-a kalpui a ni a, exam beitu zirlai 20,562 awmin zirlai sing 20,164-ten pass-in za zelah 98.06-in an pass.
1st Semester bikah exam beitu zirlai 4,922 zinga mi 4,880 an pass a, 3rd Semester-ah exam beitu zirlai 7,090 zinga 6,968 an pass a, 5th Semester-ah exam beitu 8,550 zingah zirlai 8316 an pass.
MZU-a Controller of Examinations, Prof. Lalnuntluanga chuan tluang taka result puan a ni chu lawmawm a tih thu sawiin, zirlai hlawhtlingte a lawmpui thu leh hlawhtlinna chang zo ta lote pawh beidawng mai lo turin a chah.
Result buatsaih kawnga tha thawhtu college principal leh zirtirtute leh MZU Examination Department, Undergraduate Section te chungah lawmthu a sawi bawk.