Social Welfare leh AH&Vety Minister Dr. K. Beichhua chuan nimin khan Siaha-a sorkar hmasawnna hna thawh a enfiah.
Siaha Vaihpi-a DC office sak mek leh Vaihpi Community Hall sak mek tlawhin hnathawh tawhte a enfiah a. DC thar, Lalsangliana, MCS leh official dangten an tawiawm.
Dr. Beichhua chuan hnathawh tawh chinte chu lungawithlak a tih thu sawiin, a hun taka zawh a nih theih nana a mawhphurtu official-te chu contractor-te hnathawh enpui fo turin a chah.
Siaha AH&Veterinary Hospital building sak mek pawh tlawhin, hnathawh a enfiah a. Building hi sak zawh tep a ni a, hun reilo teah peih beisei a ni.
Meisavaih-a Social Welfare office sak mek a tlawh bawk a, contractor-ten building saknaa harsatna an neihte chu Aizawl a phei hnuah chinfela a rang lama sak chhun-zawm a nih tur thu a sawi.
Excise & Narcotics department office leh Taxation office sak mek tlawh a tlawh bawk a ni.