Coppa Italia semi-final-ah Juventus leh Fiorentina intum dawn

Coppa Italia champion lai Juventus in semi-final lut turin hnehna an chang hram a. Ningani zanah Sassuolo lakah 2-1 a chak hramin anni ang bawk a Atalanta hnehtu Fiorentina nen final luh an inchuh dawn.
Allianz Stadium-ah Juventus in minute 88-naah chakna goal an nei a. Striker Dusan Vlahovic chuan veilam kil a\ang goal hma zawnah ball a la a, goal-ah a pet chu Ruan Tressoldi banah fuhin goal-ah a per lut.
Juve hi goal khung hmasa zawk niin minute thumnaah Paulo Dybala hmangin hma an hruai a. Mahse hei hi minute 23-naah Hamad Traore chuan Juve goalkeeper Mattia Perin dan theih lohin goal a khung a, an si phurh a sut.
Second half inkhel a inhawng a, team pahnihin goal khungna remchang an nei ve ve \hin. Bianconeri lamin goal ban vawi hnih an tih per bakah Matthijs de Ligt chuan hun \ha tak a nei bawk.
Hnehna an chan avangin vawi 14 Coppa Italia a champion tawh Juve hian tunhnai season 8 chhunga a vawi sarih nan Coppa Italia semi-final an khel dawn tihna a ni. Juve coach Massimiliano Allegri chuan, “Second half kan khel\ha a, vanneihna kan lamah a \ang tawh. An goal khung khan inkhel thlak danglam mahse huntawp hma in kan tho leh thei a ni.” tiin inkhel zawhah a sawi.
Quarter-final inkhel dangah Fiorentina in huntawp dawn hun pekbelh minute thum a la awmin chakna goal an khung a. Nikola Milenkovic chuan Atalanta lakah a chakpui.
Stadio Atleti Azzurri d’Italia-ah La Viola tan Vlahovic-a hmunruak luahtu Polish striker Krzysztof Piatek chuan minute 9-na leh 71-naah goal a khung a. A goal hnih inkarah Atalanta tan Davide Zappacosta leh Jeremie Boga ten goal an khung.
Minute 79-naah La Viola defender Lucas Martínez Quarta chu hnawhchhuah a ni zui a, mahse tlem zawk an ni chungin Fiorentina in chakna goal an khung thei tho.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427