Tun season NBA trade deadline zawh hma a titi lian ber zing ami chu Zirtawpni zinga NBA trade hun inkhar hma in tihfel a ni a. Brooklyn Nets leh Philadelphia 76ers ten James Harden leh Ben Simmons trade an ti fel.
Ningani zan khan team pahnihten inremna an neih thu an puang a. Player pahnih, an team chhuahsan duh ve ve te trade-ah hian Philadelphia in James Harden leh Paul Millsap an lalut a. Brooklyn lamah Simmons bakah Seth Curry, Andre Drummond leh first-round draft pick pahnih an kal tir ve thung.
Engtin?
Brooklyn hian Philadelphia a\angin player pathumte bakah unprotected 2022 first-round pick an dawng a, he pick hi kum 2023 Draft ah an duh chuan an hmang thei zawk ang. Hemi bakah 2027 Draft ami tur top 8 protected first round pick an dawng tel a, kum 2028-ah an hmang dawn a nih chuan second round pick pahnih a ni dawn thung.
Nets hian player pathumte an roster-ah an awm vek theih nan DeAndre’ Bembry chu an chhuahtir thung.
Brooklyn lam
Team pahnihte inremna avangin an superstar pahnih, hun engemaw chen a\anga chhuah duh tawhten an team an thlak a. Eastern Conference team pahnihte leh player langsar pahnihte tan pawh an dinhmun thar chu an tana duhthlan theih awm zinga a \ha berah mi tam takin an ngai.
Simmons hian season liamta a Eastern Conference playoffs second round-ah Atlanta Hawks an hneh loh hnu lawkah ‘trade’ a chhuah a dil tawh.
October thla a season inbuatsaihna training camp-ah a inlan zuai bak team bulah hun a la hmang leh lo.
Simmons hi a team laka a lungawi loh chhan tak hi puanzar ni lo mahse sawidan hrang hrang a awm a. Amah leh a aiawhte chuan a chungchang zawhnaah rilru lam hriselna kaihhnawih a nih thu an sawi a. Hetihlai hian hmun \henkhatah chuan Hawks laka an tlawm hnua coach Rivers leh star player dang Joel Embiid te thilsawi avangin a lungawi lo niin an sawi thung.
76ers tana a inkhelh duh loh avangin tun season-ah Dollar maktaduai 20 dawn a ‘fine’ belhkhawm a ni tawh.
Brooklyn-ah inkhel nghal turin a fit dawn em tih hriat ni lo mahse Kevin Durant leh Kyrie Irving te bulah che \ha tura ngaih a ni a. Ball shoot thei lo mahse defense leh ball sem kawngah a \hat avangin Nets in an \hatpui ring an tam.
Shooter rintlak Seth Curry leh palian Andre Drummond an kal tel bawk avangin Nets in an team mamawh ang skill an lalut.
Philly an \ha sawt em?
James Harden hi East lamah ‘Big Three’ ni tura Durant leh Irving ten an sawm luh a ni a. Nikum January thla khan Brooklyn pan mahse an pathumin vawi 16 chiah an khelho hman.
Durant inhliam \hin leh Irving-a’n vaccine chungchang avanga an home game a khelh theih loh avangin Harden hi team-ah a rilru a bet lova, hei vang hian chhuah a duh niin an sawi.
NBA All-Star vawi 10 leh scoring champion vawi thum ni tawh Harden hi Simmons nena khelh dun tir 76ers in an tum hlawhchham Joel Embiid thlawptu \ha ber tura a team in an ngaih a ni a. Tun season-ah game 44 a\angin 22.5 points leh 10.2 assists average a nei mek.
Trade langsar dang te
Trade deadline a insawn langsar dang zingah Dallas Mavericks chuan power forward Kristaps Porzingis chu Washington Wizards-ah an kal tir a. Wizards a\angin guard Spencer Dinwiddie leh forward Davis Bertans te an dawng ve thung.
Toronto Raptors in Thaddeus Young leh Drew Eubanks an lalut a, San Antonio Spurs-ah guard Goran Dragic leh protected 2022 first-round pick an kal tir ve bawk.