Thuneihna sem zai lam kan hawi leh mek : Rka


MNF Adviser, Minister of State Lalruatkima’n an party manifesto zinga mi, thuneihna sem zai lam an hawi leh mek thu sawiin, Congress sorkarin a pek duh loh Lunglei Municipal Council chu hman a ni dawn ta tih a sawi.
He thu hi nimina MNF Sub Hqrs Lunglei Office-a an party zawm thar lawm luh inkhawm an buatsaihah a sawi a, “Kan manifesto hi kan zir kan zir a, tihhlawhtlin tawh tam tak kan nei a. Kan la tihhlawhtlin hman lohte zingah eng nge pawimawh hmasa tih thlirin, decentralisation of power lam kan han hawi leh mek,” a ti.
Ruatkima chuan UD & PA minister hlui, Lunglei pa, Zodintluanga’n a buaipui duh miah loh, Congress sorkarin Lunglei tana a pek duh loh, Lunglei Municipal Council chu MNF sorkar hnuaiah hman a lo dawn tih a sawi.
Mizoram chhim lamin zirna kawnga hma an sawn theihna turin MZU Southern Campus pawh din a ni dawn tih sawi bawkin, “Lunglei tan hian hmasawnna tur ruangam lian pui pui a insehmur mek,” a ti.
MNF zawm thar lawm luttu, MNF Vice President Vanlalzawma chuan MNF chu party dang nen an danglam em em a, a din tirh phat atangin he ram leh hnam hi a lang nghal tih sawiin, social media ringawt ringtu tan chuan MNF hi chhe ta riauvin a lang mai thei a; mahse, social media-a chhiat leh that viau hian awmzia a nei thui lo hle tih a sawi.
MNF party thuchhuahin a tar lan danin, nimina MNF party-a an lawm luh takte hi ZPM party hruaitu mi 11 an ni a, an zinga mi, ZPM Sub heaquarters General Secretary ni thin pahnih, S.L Chhunga leh K. Vanlalvena ten lawmluh thar aiawhin thu an sawi bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427