Union RD Minister Kulaste-a’n Mizoram tlawh


Union Minister of State for Rural Development Faggan Singh Kulaste-a’n nimin chawhma lam khan Aizawl thlengin, Lengpui airport-ah Minister of State Robert Romawia Royte leh official dangten an lo dawngsawng a, Raj Bhavan-ah Larsap Dr. Hari Babu Kambhampati nen an inkawm zui nghal.
Union minister chuan nimin vek khan Aijal Club-ah rural development department hotute thutkhawmpui nghalin department Secretary Vanlalngaihsaka leh a thawhpuiten department-in central scheme hrang hrang an kalpui mekte thlen chin, hmabak leh harsatna an tawh te an lo hrilh.
Kulaste chuan RD department hotute chu thingtlang mipuite kawng hrang hranga eizawnna siamsak thei chi scheme-te ngai pawimawh turin a chah a. Hemi kawngah hian Self Help Group (SHG) a tangkai thei tih sawiin, thingtlang miten thla bia sum lak luhna tha an neih theihna turin central scheme hrang hrangte tangkai thei ang bera hman thin a duh thu a sawi.
Sorkar thuchhuahin a tar lan danin, MGNREGS-ah job card nei Mizorama khaw 858-ah 2,07,875 an awm mek a. District zawng zawngah ni 90 aia tam inhlawhna siam tawh niin, kumin March thla ral hmain ni 100 inhlawhna siam beisei a ni a. MGNREGS hnuaia hnate Geo-tagged kawngah phase I-ah Mizoram chu state zinga ti tha ber a ni.
RD block palia cluster paliah SPMRM kalpui mek niin, Aibawk cluster-a hnate zawh fel tawh niin, Thingsulthliah, East Lungdar leh Khawzawl cluster ah hna a kal mek a. Aibawk cluster-in SPMRM-ah National level-ah award an dawng.
BADP pawh RD block 15-ah kalpui mek niin, Myanmar ramri depa awm khaw 108 leh Bangladesh ramri depa awm khaw 142-te a huam niin sorkar thuchhuah chuan a tar lang a. PMKSY pawh RD block 18-ah kalpui tum mek niin, ram hectare 44,600 huam tura ruahman a ni bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427