AC Milan chu Serie A-ah hmahruaitu thar an ni a. Sampdoria lakah Pathianni tlaiah 1-0 a an chak avangin table chung berah an awm.
Milan tan forward che \ha lai Rafael Leao bawk an chakna a ni a. Portuguese winger hian inkhel a goal awmchhun a khung. Stefano Pioli pawlte hian point 55 an hmu tawh a, Inrinni zana inhnehtawk Inter Milan leh Napoli an lehpel.
San Siro-ah Milan in kar duhawm tak an hman mek chu duhthusamin an khar a. Milan derby-ah Inter Milan an hneh hnuah Coppa Italia quarter-final-ah Lazio 4-0 in an hneh leh a. Inter erawh khelh khatin an khel tlem.
Inkhel minute 8-naah Portugal international Leao-a’n kil tak a\angin tun season a a goal 10-na a khung a. Sampdoria goalkeeper Wladimiro Falcone chuan a team beiseina ti nungin save \ha vawi engemaw zat siam mahse an tlarhma lamin goal an khung thei lo.
Milan midfielder Sandro Tonali chuan, “Kan result-te hi a aia \ha a awm leh thei chuangin a rinawm loh a, hei vang hian kan tan kar duhthusam chu a ni ang. Kan lawm rualin kan lungawi a thiang lova, hmalam kan pan a ngai. Tuna induhtawk chu thil atthlak a ni.” tiin an chak hnuah hmalam an pan a \ul thu a sawi.
Pathianni zan inkhel dangah Juventus in huntawp dawnah an si phurh an sut hram a. 1-1 in Atalanta nen an inhnehtawk.
Stadio Atleti Azzurri d’Italia-ah mualneitu lamin minute 76-naah Ruslan Malinovskyi hmangin goal an khung a. Hei hi minute 92-naah Juventus defender Danilo chuan an si phurh a sut.
Jose Mourinho-a AS Roma in point an hloh nawn leh a. Minute 94-naah Bryan Cristante hmanga an si phurh sutin 2-2 in Sassuolo nen an inhnehtawk.